ՔՏՀԱՏՄ-ն ուժեղացված վերահսկողություն է իրականացրել Երևանի Նոր Նորք և Կենտրոն վարչական շրջաններում
ԵՐԵՎԱՆ, 11 ՕԳՈՍՏՈՍԻ, ԱՐՄԵՆՊՐԵՍ: ՀՀ քաղաքաշինության, տեխնիկական և հրդեհային անվտանգության տեսչական մարմնի մասնագետները ՀՀ Ճանապարհային ոստիկանության աշխատակիցների հետ օգոստոսի 11-ին հերթական մշտադիտարկումները և վերահսկողական գործառույթներն են իրականացրել Երևանի Նոր Նորք և Կենտրոն վարչական շրջաններում՝ ՀՀ պարետի որոշմամբ հանրային տրանսպորտում անվտանգության կանոնների պահպանման նկատմամբ։
Ինչպես «Արմենպրես»-ին տեղեկացրին ՀՀ կառավարությունից, մարդատար տաքսի ավտոմոբիլներով ուղևորափոխադրման համակարգում խնդիրը գրեթե կարգավորվել է, վարորդները մեծամասամբ կատարում են պարետի կողմից ամրագրված բոլոր ցուցումները։
«Հիմնական խախտումները կրկին հանրային տրանսպորտում է շարունակում արձանագրվել։
Վաղ առավոտից սկսված վերհասկողական աշխատանքների ընթացքում դիտարկվել է մոտ 5 տասնյակի հասնող տրանսպորտային միջոց։ Արդյունքում ինչպես նախորդ մի քանի օրերին, այսօր ևս կանոնավոր երթուղիներում ուղևորափոխադրում իրականացնող միկրոավտոբուսներում և ավտոբուսներում հայտնաբերվել են սահմանված քանակից ավել ուղևորներով ուղևորափոխադրում իրականացնելու դեպքեր։
Հայտնաբերված բոլոր խախտումների դեպքերով կազմվել են վարչական իրավախախտման վերաբերյալ արձանագրություններ։
Տեսչական մարմնի մասնագետները մշտադիտարկումների և վերահսկողության հետ համատեղ շարունակել են իրականացնել լայնածավալ բացատրական և իրազեկման աշխատանքներ, որոշ դեպքերում վարորդներին և ուղևորներին տվել պարտադիր կատարման ցուցումներ։
Նշենք, որ ՔՏՀԱՏՄ տրանսպորտի անվտանգության մասնագետները շարունակում են ամենօրյա գրաֆիկով մշտադիտարկում և վերահսկողություն իրականացնել մարզերում և մայրաքաղաքի բոլոր վարչական շրջաններում»,- նշված է հաղորդագրության մեջԲաժանորդագրվեք մեր ալիքին Telegram-ում