Ժամանակը Երևանում՝ 11:07:36,   13 Օգոստոս

Հունաստանում կտրուկ ավելացել է կորոնավիրուսով վարկված զբոսաշրջիկների թիվը

Հունաստանում կտրուկ ավելացել է կորոնավիրուսով վարկված զբոսաշրջիկների թիվը

ԵՐԵՎԱՆ, 6 ՀՈՒԼԻՍԻ, ԱՐՄԵՆՊՐԵՍ: Հունաստանում կտրուկ ավելացել է այն զբոսաշրջիկների թիվը, որոնց մոտ առկա է COVID-19: Վերջին մեկ օրում երկրում գրանցվել կորոնավիրուսով վարակվածության 43 նոր դեպք, որից 36-ը բացահայտվել է սահմանային անցման ընթացքում: «Արմենպրես»-ի հաղորդմամբ, «ՌԻԱ Նովոստի»-ն տեղեկացնում է, որ այս մասին հայտնել է Հանրային առողջության ազգային կազմակերպությունը:

Նախորդ օրը կորոնավիրուսով վարակվածության 9 նոր դեպքերից 8-ը եղել է բերովի, երկու օր առաջ 25 նոր դեպքերից ութն է գրանցվել երկիր մուտք գործողների մոտ, երեք օր առաջ 28 նոր դեպքերից 13-ի դեպքում է առկա եղել վարակ:

Հունաստանի իշխանությունները հուլիսի 6-ին՝ առավոտյան ժամը 06:00-ից արգելել են Սերբիայի քաղաքացիների մուտքը երկիր՝ կապված համաճարակի հետ:

Հունաստանում վերջին մեկ օրում վարակի հետևանքով մահացության դեպքեր չեն գրանցվել: Մինչ այժմ, ընդհանուր առմամբ, վարակի հետևանքով մահացել է 192 մարդ: Երկրում կորոնավիրուսով հաստատված դեպքերի թիվը 3 հազար 562 է:

 





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ