Աշխարհի 6-ակի չեմպիոն բիաթլոնիստ Սուլեմդալն ավարտում է կարիերան
15:23, 6 Ապրիլ 2020
ԵՐԵՎԱՆ, 6 ԱՊՐԻԼԻ, ԱՐՄԵՆՊՐԵՍ: Աշխարհի առաջնության 6-ակի չեմպիոն նորվեգ բիաթլոնիստ Սյուննյովա Սուլեմդալն ավարտում է կարիերան:
«Արմենպրես»-ի հաղորդմամբ` այս մասին գրում են նորվեգական ԶԼՄ-ները: Սուլեմդալը հայտարարել է, որ նման որոշում կայացրել է երկար մտածելուց հետո: «Ուրախ եմ բոլոր նվաճումներիս համար: Հիմա էլ ուրախ եմ, որ հեռանում եմ մեծ սպորտից»,-ասել է 30-ամյա մարզիկը: Նա որոշել է կարիերայի ավարտին դառնալ ճարտարագետ:
Սյուննյովա Սուլեմդալն առաջին անգամ աշխարհի չեմպիոն է դարձել 2012 թվականին: Վերջին անգամ նորվեգ բիաթլոնիստին հաջողվեց ոսկե մեդալակիր դառնալ 2020 թ. աշխարհի առաջնության ժամանակ:
Բաժանորդագրվեք մեր ալիքին Telegram-ում