Օղակաձև զբոսայգու չգործող սրճարանի երկաթյա թիթեղները գողացողները բերման են ենթարկվել
14:22, 30 Մարտ 2020
ԵՐԵՎԱՆ, 30 ՄԱՐՏԻ, ԱՐՄԵՆՊՐԵՍ։ Գողության փորձ կատարելու կասկածանքով մարտի 28-ին, ժամը 23:40-ին Երվանդ Քոչարի փողոցից ոստիկանության Մարաշի բաժանմունք բերման են ենթարկվել երեք տղամարդ՝ «Օպել» մակնիշի մեքենայով հանդերձ:
Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապի և լրատվության վարչությունից, պարզվել է, որ նրանք ժամը 23։30-ի սահմաններում Օղակաձև զբոսայգու չգործող սրճարանի երկաթյա թիթեղները քանդելով՝ տեղափոխել են «Օպելի» մեջ ու փորձել գողանալ:
Բերման ենթարկվածները տվել են խոստովանական բացատրություն: Գողոնն առգրավված է: Նախապատրաստվում են նյութեր:
Բաժանորդագրվեք մեր ալիքին Telegram-ում