Նոյերը ցանկանում է կարիերան շարունակել «Բավարիա»-ում
17:51, 28 Մարտ 2020
ԵՐԵՎԱՆ, 28 ՄԱՐՏԻ, ԱՐՄԵՆՊՐԵՍ: Գերմանիայի ազգային թիմի և Մյունխենի «Բավարիա»-ի դարպասապահ Մանուել Նոյերը չի ցանկանում տեղափոխվել Անգլիա:
«Արմենպրես»-ի հաղորդմամբ` այս մասին գրում է Goal կայքը:
Ավելի վաղ գերմանական ԶԼՄ-ները գրում էին, որ Նոյերը կարող է տեղափոխվել Լոնդոնի «Չելսի»-ի, սակայն դարպասապահը չի ուզում կարիերան շարունակել Պրեմիեր լիգայում: Նա փոխել է միտքը և կմնա «Բավարիա»-ում:
Մանուել Նոյերն աշխարհի չեմպիոն է դարձել Գերմանիայի հավաքականի կազմում: Նա «Բավարիա» է տեղափոխվել 2011 թվականին «Շալկե»-ից: Ընդհանուր առմամբ մյունխենյան ակումբի կազմում Նոյերը մասնակցել է 241 խաղի:
Բաժանորդագրվեք մեր ալիքին Telegram-ում