ԵՐԵՎԱՆ, 12 ԴԵԿՏԵՄԲԵՐԻ, ԱՐՄԵՆՊՐԵՍ: Թբիլիսիի կենտրոնում իրավապահները բերման են ենթարկել բողոքի ակցիայի 16 մասնակիցների՝ ոստիկանությանը չենթարկվելու եւ խուլիգանության համար: Այդ մասին, ինչպես տեղեկացնում Է «Արմենպրես»-ը, հայտնել Է Վրաստանի ՆԳ նախարարությունը:

«Ընդամենը բերման Է ենթարկվել 16 մարդ, բոլորն Էլ՝ վարչական իրավախախտման համար»,-լրագրողներին հայտարարել են գերատեսչության մամուլի ծառայությունում:

Ձերբակալվածների թվում Է «Նոր Վրաստան» ընդդիմադիր կուսակցության առաջնորդ Գեորգի Վաշաձեն: Ընդդիմադիրներն ու նրանց կողմնակիցները դեկտեմբերի 12-ի առավոտից որոշել են բողոքել գերագույն դատավորների ընտրության շուրջ քվեարկության գործընթացի դեմ, որը շուտով պետք Է սկսվի խորհրդարանում, հաղորդել Է ՌԻԱ Նովոստին: