Լոս-Անջելեսի կինոքննադատների ասոցիացիան «Մակաբույծը» հայտարարել Է տարվա ֆիլմ
ԵՐԵՎԱՆ, 9 ԴԵԿՏԵՄԲԵՐԻ, ԱՐՄԵՆՊՐԵՍ: Լոս-Անջելեսի կինոքննադատների ասոցիացիան «Մակաբույծը» հարավկորեական թրիլլերը հայտարարել Է 2019 թվականի լավագույն ֆիլմ: Այդ մասին, ինչպես տեղեկացնում Է «Արմենպրես»-ը, հայտնել Է Variety-ն:
Նշվել Է նաեւ նրա լավագույն ռեժիսուրան (Պոն Չժուն Հո) եւ երկրորդ պլանի լավագույն դերը (Սոն Կան Հո), իսկ «լավագույն սցենար» եւ «նկարիչ-բեմադրողի լավագույն աշխատանք» կատեգորիաներում այն զբաղեցրել Է երկրորդ տեղը:
«Մակաբույծ»-ից հետո երկրորդ լավագույն ֆիլմը դարձել Է «Իռլանդացին»:
«Օտար լեզվով լավագույն ֆիլմ» Է ճանաչվել Պեդրո Ալմոդովարի «Ցավ եւ փառք» ժապավենը, իսկ «լավագույն դերասան»՝ Անտոնիո Բանդերասը: «Լավագույն դերասանուհին» դարձել Է Մերի Քեյ Փլեյսը («Դիանա»), հաղորդել Է ՌԻԱ Նովոստին: