ԵՐԵՎԱՆ, 8 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանի բասկետբոլի կանոնավոր առաջնության 7-րդ տուրում կայացավ երկու հանդիպում:

«Արմենպրես»-ի հաղորդմամբ՝ «Ուրարտու» - «Գյումրի» խաղում հաղթեց «Ուրարտու»-ն՝ 111:74 հաշվով: Հանդիպման ամենաարդյունավետ խաղացող ճանաչվեց Ջուլիան Ուինթոնը («Գյումրի»), իր հաշվին գրանցելով 27 միավոր, 4 անգամ տիրեց օղակից անդրադարձող գնդակին և կատարեց 8 արդյունավետ փոխանցում։

Միաժամանակ կայացած ՖԻՄԱ-«Արագած» խաղում հաղթեցին գործող չեմպիոն «Արագած»-ի բասկետբոլիստները 86:95 հաշվով: Հանդիպման ամենաարդյունավետ խաղացող ճանաչվեց Իսայա Լեմբը («Արագած»), իր հաշվին գրանցելով 30 միավոր, 7 անգամ տիրեց օղակից անդրադարձող գնդակին և կատարեց 2 արդյունավետ փոխանցում