Դեկտեմբերի 3-ին սպասվող իրադարձությունները
ԵՐԵՎԱՆ, 3 ԴԵԿՏԵՄԲԵՐԻ, ԱՐՄԵՆՊՐԵՍ: «Արմենպրես» պետական լրատվական գործակալությունը ներկայացնում է այսօր սպասվող իրադարձությունները:
Այսօր՝ դեկտեմբերի 3-ին, ՀՀ ԱԺ-ում կմեկնարկի հերթական քառօրյա նիստը:
ՀՀ վարչապետ Նիկոլ Փաշինյանը կայցելի Արարատի մարզ:
ՀՀ էկոնոմիկայի նախարարությունում կքննարկեն օրգանական խաղողագործության մարտահրավերներն ու ոլորտի առանձնահատկությունները :
Դեկտեմբերի 3-ին նշվում է հաշմանդամների միջազգային օրը: Օրվա առթիվ նախատեսված են մի շարք միջոցառումներ, որոնց շրջանակում անդրադարձ կկատարվի սահմանափակ կարողություններ ունեցող անձանց խնդիրներին :
Դեկտեմբերի 3-ին նշվում է նաև Անհայտ զինվորի օրը: Հայաստանում այդ օրը կմեկնարկի Մեծ հայրենականի հաղթանակի 75-ամյակին նվիրված հանդիսավոր միջոցառումների շարքը:
Մատենադարանում նախատեսված է «Հայկական որմնանկարչություն. գիտական հոդվածների և նյութերի ժողովածու» գրքի շնորհանդեսը։
Մարմնամարզության 2019 թվականի արդյունքները կամփոփեն հավաքականի գլխավոր մարզիչն ու մարզիկները:
Այս և այլ թեմաների մասին կարող եք մանրամասն ընթերցել armenpress.am կայքէջում: Հետևեք մեզ նաև թվիթերում և ֆեյսբուքում: