Արցախի պողոտայում վրաերթի ենթարկված 4-ամյա և 7-ամյա եղբայրները դուրս գրվեցին հիվանդանոցից
ԵՐԵՎԱՆ, 22 ՆՈՅԵՄԲԵՐԻ, ԱՐՄԵՆՊՐԵՍ: Արցախի պողոտայում նոյեմբերի 18-ին առավոտյան դպրոց գնալիս վրաերթի ենթարկված ու «Սուրբ Աստվածամայր» ԲԿ տեղափոխված՝ 4-ամյա և 7-ամյա եղբայրները դուրս գրվեցին հիվանդանոցից: Երկուսն էլ արդեն լավ են:
«Արմենպրես»-ի հաղորդմամբ` այս մասին «Ֆեյսբուքի» -ի իր էջում գրել է «Սուրբ Աստվածամայր» ԲԿ մամուլի պատասխանատու Գևորգ Դերձյանը:
Վթարի հետևանքով «Սուրբ Աստվածամայր» ԲԿ էին տեղափոխվել 4 երեխա, որոնցից երկուսը տեղում ստացել էին ամբուլատոր բուժօգնություն և գնացել տուն, իսկ մյուս երկուսը մնացել էին ԲԿ-ում՝ ստացիոնար բուժում ստանալու համար:
4-ամյա և 7-ամյա եղբայրների մոտ ախտորոշվել էր փափուկ հյուսվածքների սալջարդ:
Կարծիքներ
Հարցազրույցներ
Փաստ մեկնաբանությամբ