ԵՐԵՎԱՆ, 11 ՆՈՅԵՄԲԵՐԻ, ԱՐՄԵՆՊՐԵՍ: ՀՀ էկոնոմիկայի նախարարի տեղակալ Վարոս Սիմոնյանը Ռուսաստանի Դաշնության մայրաքաղաք Մոսկվայում կմասնակցի Եվրասիական զարգացման բանկի կողմից անցկացվող «Եվրասիական տնտեսական ինտեգրում» 14-րդ միջազգային համաժողովին:

«Արմենպրես»-ի փոխանցմամբ` այս մասին ՀՀ վարչապետ Նիկոլ Փաշինյանի որոշումը հրապարակված է Կառավարության e-gov.am պաշտոնական կայքում:

«Հայաստանի Հանրապետության էկոնոմիկայի նախարարի տեղակալ Վարոս Սիմոնյանին 2019 թվականի նոյեմբերի 28-30-ը գործուղել Ռուսաստանի Դաշնություն (Մոսկվա)` Եվրասիական զարգացման բանկի կողմից անցկացվող «Եվրասիական տնտեսական ինտեգրում» 14-րդ միջազգային համաժողովին մասնակցելու նպատակով»,- նշված է որոշման տեքստում: