Երևանում աղբամաններ են այրվել. Մալաթիա-Սեբաստիա վարչական շրջանի աշխատակազմը դիմել է ոստիկանություն
ԵՐԵՎԱՆ, 14 ՀՈԿՏԵՄԲԵՐԻ, ԱՐՄԵՆՊՐԵՍ: Մալաթիա-Սեբաստիա վարչական շրջանի աշխատակազմն աղբամանների այրման դեպքի առթիվ դիմել է ոստիկանություն: «Արմենպրես»-ի հաղորդմամբ, այս մասին տեղեկացնում է Երևանի քաղաքապետարանը:
«Մալաթիա-Սեբաստիա վարչական շրջանում՝ Օհանով 54 շենքի բակում, երկու նոր աղբաման է այրվել։ Վարչական շրջանի աշխատակազմն արդեն իսկ դիմել է ոստիկանություն։ Հուսով ենք, որ մեղավորները արագ կհայտնաբերվեն և կենթարկվեն պատասխանատվության: Կոչ ենք անում քաղաքացիներին չվնասել և չոչնչացնել համայնքային գույքը, որը ծառայում է հարյուրավոր այլ քաղաքացիներին»,-ասված է հաղորդագրության մեջ:
Կարծիքներ
Հարցազրույցներ
Փաստ մեկնաբանությամբ