Հրշեջ-փրկարարները մարել են խոտածածկ տարածքներում բռնկված հրդեհները
ԵՐԵՎԱՆ, 13 ՀՈԿՏԵՄԲԵՐԻ, ԱՐՄԵՆՊՐԵՍ: ՀՀ արտակարգ իրավիճակների նախարարության փրկարար ծառայության Ճգնաժամային կառավարման ազգային կենտրոնը հոկտեմբերի 12-ին 5 ահազանգ է ստացել հանրապետության տարբեր խոտածածկ տարածքներում բռնկված մոտ 200 քմ և ավել տարածք ընդգրկող հրդեհների վերաբերյալ:
Ինչպես «Արմենպրես»-ին տեղեկացրին նախարարության տեղեկատվության և հասարակայնության հետ կապերի վարչությունից,
Երևանի Նոր Նորք վարչական շրջանում այրվել է 1.5 հա,
Արարատի մարզի Խաչփառ գյուղում՝ 1 հա, Ազատաշեն գյուղում՝ մոտ 3 հա,
Լոռու մարզի Լեռնահովիտ գյուղում՝ մոտ 5000 քմ,
Կոտայքի մարզի Եղվարդ քաղաքում՝ 7 հա և մոտ 2.8 հա պտղատու այգի:
Հրշեջ-փրկարարները հրդեհները մեկուսացրել են և մարել: