Բաստիան Շվայնշտայգերը ընթացիկ մրցաշրջանի վերջում կավարտի պրոֆեսիոնալ կարիերան
ԵՐԵՎԱՆ, 8 ՀՈԿՏԵՄԲԵՐԻ, ԱՐՄԵՆՊՐԵՍ: Աշխարհի ֆուտբոլի չեմպիոն Բաստիան Շվայնշտայգերը ընթացիկ մրցաշրջանի վերջում կավարտի պրոֆեսիոնալ ֆուտբոլիստի կարիերան:
«Արմենպրես»-ի հաղորդմամբ՝ այս մասին հայտարարել է ֆուտբոլիստը: «Եկել է ժամանակը, որ հրաժեշտ տամ պրոֆեսիոնալ ֆուտբոլիստի կարիերային, սակայն դա չի նշանակում, որ ֆուտբոլից հեռանում եմ ամբողջապես»,-գրել է գերմանացի ֆուտբոլիստը:
Շվայնշտայգերը նաև շնորհակալություն է հայտնել ակումբներին, որտեղ հանդես է եկել, ընկերներին և հարազատներին:
Բաստիան Շվայնշտայգերը ֆուտբոլային կարիերան սկսել է «Բավարիա»-ում, ինչպես նաև հանդես է եկել անգլիական «Մանչեսթեր Յունայթեդ»-ում և ամերիկյան «Չիկագո»-ում: Գերմանիայի ազգային թիմի կազմում 2014 թվականին Բրազիլիայում կայացած Մունդիալի ժամանակ դարձել է աշխարհի չեմպիոն: