ԵՐԵՎԱՆ, 8 ՀՈԿՏԵՄԲԵՐԻ, ԱՐՄԵՆՊՐԵՍ: Վրաստանի վարչապետ Գիորգի Գախարիան արտասահմանյան առաջին պաշտոնական այցերը կկատարի հարեւան երկրներ: Այդ մասին տեղեկատվություն Է տարածել հանրապետության կառավարության մամուլի ծառայությունը, տեղեկացնում Է «Արմենպրես»-ը՝ հղում անելով «Գրուզիա Online»-ին:

Հաղորդագրության համաձայն, Գախարիան առաջին պաշտոնական այցերը կկատարի հարեւան երկրներ, որոնք Վրաստանի կարեւորագույն գործընկերներն են ինչպես արտաքին քաղաքականության, այնպես Էլ առեւտրատնտեսական ոլորտում:

Հաջորդ շաբաթ Վրաստանի վարչապետը կայցելի Հայաստան: Մինչ այդ, հոկտեմբերի 9-ին նա կուղեւորվի Ադրբեջան: Պլանավորվում Է նաեւ Գախարիայի այցը Թուրքիա, որը կկայանա ամսվա վերջին: Մամուլի ծառայության հաղորդագրության մեջ նշվում Է, որ Վրաստանի վարչապետը Բրյուսել կայցելի Եվրահանձնաժողովում ընթացիկ կադրային վերադասավորումների ավարտից հետո, երբ նորացված Եվրահանձնաժողովը ձեռնամուխ կլինի իր լիազորությունների կատարմանը: