Ուկրաինայի ԱԳ նախարարը պատմել Է Դոնբասի կարգավորման «Զելենսկու բանաձեւի» մասին
ԵՐԵՎԱՆ, 17 ՍԵՊՏԵՄԲԵՐԻ, ԱՐՄԵՆՊՐԵՍ: Դոնբասի վերաբերյալ «Զելենսկու բանաձեւը» ենթադրում Է տարածաշրջանում խաղաղության հաստատում կես-մեկ տարվա ընթացքում: Այդ մասին հայտարարել Է Ուկրաինայի արտաքին գործերի նախարարության ղեկավար Վադիմ Պրիստայկոն ICTV հեռուստաալիքի եթերում, տեղեկացնում Է «Արմենպրես»-ը:
«Ընդամենը մենք ունեք կեսից մինչեւ մեկ տարի: Եվ «Զելենսկու բանաձեւն» ավարտվում Է արտահայտությամբ, որ մենք հինգ տարի չունենք բանակցությունները շարունակելու համար: Դա Էլ հենց «Զելենսկու» պայմանական «բանաձեւն Է»,- ընդգծել Է նա:
Նախարարի խոսքով՝ այն ներառում Է այնպիսի կետեր, ինչպիսիք են «մեր բոլոր տղաների եւ աղջիկների» վերադարձը, ինչպես նաեւ «հաղորդագրություններով, ուղերձներով, խորհրդանշաններով մեր ժողովրդին հասնելու» փորձ, որն ապրում Է ինքնահռչակ հանարապետությունների տարածքում: Բացի դրանից, «Զելենսկու բանաձեւը» ենթադրում Է անցում «նոր արմատական գործողությունների», եթե մոտ ժամանակներս չստացվի ավարտել պատերազմը: Պրիստայկոն հավելել Է, որ Կիեւը պատրաստում Է միջոցների փաթեթ, որը կարող Է հեշտացնել Դոնբասի բնակիչների կյանքը, հաղորդել Է ՏԱՍՍ-ը: