Իտալիայում ուժգին պայթյուն Է տեղի ունեցել նավթավերամշակման ձեռնարկությունում
ԵՐԵՎԱՆ, 17 ՍԵՊՏԵՄԲԵՐԻ, ԱՐՄԵՆՊՐԵՍ: Ուժգին պայթյուն Է տեղի ունեցել Սանաձարո-դե-Բուրգոնդիում (Իտալիայի հյուսիս-արեւելք) Eni-ի նավթավերամշակման ձեռնարկությունում: Ինչպես սեպտեմբերի 17-ին հայտնել Է ANSA գործակալությունը, բարձր ծխասյունը երեւում Է պատահարի վայրից մի քանի կիլոմետր հեռավորությունից, տեղեկացնում Է «Արմենպրես»-ը:
Քաղաքապետարանի տվյալներով՝ ոչ ոք չի տուժել: Տեղում աշխատում են հրշեջ հաշվարկները: Eni-ն անցկացնում Է իր ստուգումները եւ հավաստիացնում, որ իրադրությունը վերահսկվում Է: Հատուկ ծառայություններն արդեն մթնոլորտի ցուցանիշների մոնիթորինգ են սկսել պատահարի գոտում: Պայթյունի պատճառները պարզվում են, հաղորդել Է ՏԱՍՍ-ը:
Կարծիքներ
Հարցազրույցներ
Փաստ մեկնաբանությամբ