Լեհական Օսուվ քաղաքում բացվել է հայազգի զինվորների հիշատակին նվիրված հուշատախտակ
ԵՐԵՎԱՆ, 22 ՕԳՈՍՏՈՍԻ, ԱՐՄԵՆՊՐԵՍ: Լեհաստանի մայրաքաղաք Վարշավային մերձ Օսուվ քաղաքում օգոստոսի 14-ին Հայ առաքելական եկեղեցու Ուկրաինայի թեմի առաջնորդ Մարկոս եպիսկոպոս Հովհաննիսյանի մասնակցությամբ տեղի է ունեցել հուշատախտակի հանդիսավոր բացում: Ինչպես փոխանցում է «Արմենպրես»-ը, վկայակոչելով AnalitikaUA.net-ը, այն զետեղվել է ի հիշատակ հայազգի զիվորների և սպաների սխրանքի՝ նահատակված 1920 թ․ լեհական աշխարհազորի կազմում։
Ճակատամարտը տեղի է ունեցել նույն այդ վայրում ի պաշտպանություն Լեհաստանի և Վարշավայի բոլշևիկյան հարձակումներից:
Ըստ Հայ Առաքելական եկեղեցու Ուկրաինայի թեմի հաղորդման, միջոցառումները կատարվել են Լեհաստանի պաշտպանության նախարարի բարձր հովանու ներքո և մասնակցությամբ։