Փրկարարները մարել են Բագրավան գյուղի տներից մեկում բռնկված հրդեհը
ԵՐԵՎԱՆ, 17 ՕԳՈՍՏՈՍԻ, ԱՐՄԵՆՊՐԵՍ: «911» ծառայությանն օգոստոսի 17-ին, ժամը 16:03-ին ահազանգ է ստացվել, որ Շիրակի մարզի Բագրավան գյուղի 13-րդ փողոցի թիվ 2 հասցեում այրվում է տուն:
Ինչպես «Արմենպրես»-ին հայտնեցին ՀՀ ԱԻՆ տեղեկատվության և հասարակայնության հետ կապերի վարչությունից, դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:
Հրդեհը մեկուսացվել է ժամը 18:15-ին, մարվել՝ 21:38-ին:
Բագրավան գյուղի 13-րդ փողոցում այրվել են կուտակած անասնակեր՝ մոտ 1300 հակ և գարու ծղոտ՝ մոտ 900 հակ:
Կարծիքներ
Հարցազրույցներ
Փաստ մեկնաբանությամբ