ԵՐԵՎԱՆ, 14 ՕԳՈՍՏՈՍԻ, ԱՐՄԵՆՊՐԵՍ: Առնվազն 225 մարդ Է զոհվել Հնդկաստանում մոլեգնող հեղեղումներից, որոնք առաջացել են հզոր մուսոնային տեղատարափների հետեւանքով: Ինչպես օգոստոսի 14-ին հայտնել Է India Today հանդեսի կայքը, վերջին օրերին հիմնականում տուժել են երկրի հարավային եւ արեւմտյան ափերը, տեղեկացնոմ Է «Արմենպրես»-ը:

Ավելի վաղ հաղորդվել Էր Հնդկաստանի այս շրջաններում հեղեղումների պատճառով 200 զոհվածի մասին: Հրատարակության տվյալներով՝ օգոստոսի 8-ից Քերալայի եւ Քառնատակայի հարավային նահանգներում զոհվել Է համապատասխանաբար 88 եւ 54 մարդ, իսկ Մահարաշտրայի եւ Հուջարաթի արեւմտյան նահանգներում՝ 49 եւ 31: Եվս երեք հոգի զոհվել են հարեւան տարածաշրջաններում: Օդերեւութաբանները հայտնում են, որ առաջիկա օրերին հորդառատ անձրեւները կշարունակվեն, հաղորդել Է ՏԱՍՍ-ը: