Բռնցքամարտիկ Բարեղամ Հարությունյանը պարտվեց Եվրոպական խաղերի քառորդ եզրափակչում
ԵՐԵՎԱՆ, 26 ՀՈՒՆԻՍԻ, ԱՐՄԵՆՊՐԵՍ: Հայաստանը ներկայացնող բռնցքամարտիկ 52 կգ քաշային Բարեղամ Հարությունյանը պարտություն կրեց քառորդ եզրափակչում:
«Արմենպրես»-ի հաղորդմամբ` Մինսկում Եվրոպական երկրորդ խաղերի ընթացող` մրցումային հերթական օրը, պայքարը շարունակեցին նաև բռնցքամարտիկները: Հարությունյանը քառորդ եզրափակչում մրցեց և 0:5 հաշվով զիջեց Իսպանիայից Էսկոբար Գաբրիելին:
Հայաստանի հավաքականը դեռևս 3 մեդալ է նվաճել: Հայ սամբիստներից Տիգրան Կիրակոսյանը դարձել է ոսկե, Դավիթ Գրիգորյանը` արծաթե և Արսեն Ղազարյանը` բրոնզե մեդալակիր:
Եվրոպական երկրորդ խաղերին մասնակցում են 50 երկրի մոտ 4000 մարզիկներ: Եվրոպական խաղերի շրջանակում անցկացվում են երկու մարզաձևի Եվրոպայի առաջնություններ, իսկ 8 մարզաձևերը կլինեն Տոկիոյի 2020 թվականի Օլիմպիական խաղերի համար որակավորում տվող: Հայաստանը Եվրոպական երկրորդ խաղերին մասնակցում է 37 մարզիկով:
Լուսանկարը՝ Armnoc