ԵՐԵՎԱՆ, 17 ՄԱՅԻՍԻ, ԱՐՄԵՆՊՐԵՍ: Տավուշի մարզում այս տարվա ընթացքում նախատեսվում է ստեղծել ավելի քան 3000 ոչ գյուղատնտեսական աշխատատեղ: «Արմենպրես»-ի հաղորդմամբ` այս մասին հրավիրված ասուլիսում հայտնեց մարզպետ Հայկ Չոբանյանը:

«Ոչ գյուղատնտեսական աշխատատեղերը հիմնականում վերաբերում են գյուղվերամշակման արտադրամասերին: Շուտով մենք Նոյեմբերյանում ունենալու ենք ամենախոշոր կաթի վերամշակման արտադրամասը մեր տարածաշրջանում: Երկրորդը թեթև արդյունաբերության ուղղությունն է: Նախատեսվում է մոտավորապես եռապատկել այն արտադրական հնարավորությունները, որն այսօր կա»,-ասաց մարզպետը:

Իսկ երրորդ ուղղությունը, որտեղ կստեղծվեն աշխատատեղեր, զբոսաշրջությունն է:

Չոբանյանի խոսքով` սրանք այն ոչ գյուղատնտեսական հիմնական ուղղություններն են, որտեղ հաշվարկել են 3000 մարդու զբաղվածություն: