Ֆրանսիայի իշխանությունները 5,5 մլն եվրո կհատկացնեն «դեղին բաճկոնավորների» ակցիաներից տուժած գործարարներին
ԵՐԵՎԱՆ, 15 ՄԱՅԻՍԻ, ԱՐՄԵՆՊՐԵՍ: Ֆրանսիայում «դեղին բաճկոնավորների» շարժման բողոքի ակցիաների հետեւանքով վնասներ կրած ձեռնարկատերերը դրամական փոխհատուցումներ կստանան երկրի կառավարությունից: Այդ մասին, ինչպես մայիսի 15-ին հայտնել Է «Ֆրանսպրես» գործակալությունը, իշխանությունները պլանավորում են լրացուցիչ 5,5 մլն եվրո հատկացնել համապատասխան նպատակների համար, տեղեկացնում Է «Արմենպրես»-ը:Ընդհանուր առմամբ օգնությունը բաշխվելու Է 34 քաղաքների միջեւ, որոնցից յոթը գտնվում են անդրծովյան տարածքներում: Տեղական հրատարակություններն ավելի վաղ հայտնել են, որ Սեն-Էտիենը, Նանտը եւ Մարսելը կստանան 300 հազարական եվրո: Ճշտվում Է, որ այդ օգնությունը չի չեղարկվում փոխհատուցումները՝ ապահովագրման արդեն գոյություն ունեցող մեխանիզմների շրջանակներում, ինչպես նաեւ տարածաշրջանային իշխանությունների կողմից ցուցաբերվող օգնությունը:Ավելի վաղ Ֆրանսիայի ֆինանսների եւ Էկոնոմիկայի նախարարությանն առընթեր պետքարտուղար Անիես Պանիե-Ռյունաշեն հայտնել Է, որ երկիրը կերկարացնի այն կոմերսանտների աջակցման միջոցառումների գործողությունը, որոնց բիզնեսը տուժել Է «դեղին բաճկոնավորների» բողոքի ակցիաների հետեւանքով: Պետքարտուղարի խոսքով՝ ձեռնարկատերերի աջակցման պետական միջոցառումների արժեքը 2018 թվականի նոյեմբերին բողոքի ակցիաների սկսվելուց ի վեր կազմում Է մոտավորապես 80 մլն եվրո, հաղորդել Է ՏԱՍՍ-ը:
Կարծիքներ
Հարցազրույցներ
Փաստ մեկնաբանությամբ