Ըմբիշները նախապատրաստվում են Եվրոպական երկրորդ խաղերին
ԵՐԵՎԱՆ, 14 ՄԱՅԻՍԻ, ԱՐՄԵՆՊՐԵՍ: Հունահռոմեական և ազատ ոճի ըմբշամարտի Հայաստանի հավաքական թիմերը մեծ թափով նախապատրաստվում են Եվրոպական երկրորդ խաղերին:
«Մեր հավաքականն, ըստ սահմանվածի, դեռևս տարվա սկզբից ուսումնամարզական հավաքներ է անցկացնում: Մենք արդեն իսկ նախապատրաստվում ենք Եվրոպական երկրորդ խաղերին: Մեզ հետ համատեղ ուսումնամարզական հավաք են անցկացնում նաև Բուլղարիայի և Շվեյցարիայի ընտրանիները»,-«Արմենպրես»-ի հաղորդմամբ` լրագրողների հետ զրույցում ասաց հունահռոմեական ոճի ըմբշամարտի հավաքականի գլխավոր մարզիչ Լևոն Ջուլֆալակյանը:
Ազատ ոճի ըմբիշները ևս նախատրաստվում են Եվրոպական խաղերին և մինչ խաղերը ևս երկու հավաք կանցկացնեն:
Հավաքին ավարտին հունահռոմեական ոճի 5 ըմբիշները կմեկնեն Ղազախստանի միջազգային մրցաշարին: Եվրոպական խաղերից առաջ Լևոն Ջուլֆալակյանի ընտրանին վերջին հավաքը կանցկացնի հունիսի 13-27-ը: