Լիբերիայի նախագահն ստիպված Է տանն աշխատել նրա աշխատավայր թափանցած օձերի պատճառով
ԵՐԵՎԱՆ, 19 ԱՊՐԻԼԻ, ԱՐՄԵՆՊՐԵՍ: Լիբերիայի նախագահ Ջորջ Վեան չի կարողացել իր աշխատատեղն զբաղեցնել շենքում գտնվող օձերի պատճառով: Այդ մասին, ինչպես տեղեկացնում Է «Արմենպրես»-ը, ապրիլի 19-ին հայտնել Է Associated Press գործակալությունը: Աշխատակիցները երկու սեւ օձ են նկատել Լիբերիայի արտաքին գործերի նախարարության շենքի առաջին հարկում, որտեղ գտնվում Է նաեւ Վեայի աշխատանքային կաբինետը: Շենքում մշակում Է անցկացվում «բոլոր սողացողների» դեմ, նշել Է նախագահի մամուլի քարտուղարի տեղակալ Սմիթ Թոբին: Տեղական ԶԼՄ-ների տվյալներով, շենքի մշակում արդեն կատարվել Էր ապրիլի սկզբին: Լիբերիայի նախագահի դիվանատանը խոստացել են պարզել, թե ինչպես են օձերը կարողացել հայտնվել շենքում: Սպասվում Է, որ Վեան, որն անցյալում հայտնի ֆուտբոլիստ Էր, իր կաբինետում վերստին կկարողանա աշխատել ապրիլի 22-ից: Լիբերիայում մեծ քանակությամբ օձեր են վխտում, որոնցից շատերը՝ թունավոր են, հաղորդել Է «Ինտերֆաքս»-ը:
Կարծիքներ
Հարցազրույցներ
Փաստ մեկնաբանությամբ