Թրամփը եւ Սի Ցզինպինը կարող են առեւտրական համաձայնագիրը մայիսին ստորագրել Ճապոնիայում. Bloomberg
ԵՐԵՎԱՆ, 18 ԱՊՐԻԼԻ, ԱՐՄԵՆՊՐԵՍ: ԱՄՆ-ի նախագահ Դոնալդ Թրամփը եւ ՉԺՀ-ի նախագահ Սի Ցզինպինը կարող են երկու երկրների միջեւ առեւտրական համաձայնագրի ստորագրմանը նվիրված հանդիպում անցկացնել ԱՄՆ-ի ղեկավարի՝ Ճապոնիա այցի ընթացքում, որը, ինչպես սպասվում Է, կկայանա մայիսին: Այդ մասին, ինչպես տեղեկացնում Է «Արմենպրես»-ը, հայտնել Է Bloomberg գործակալությունը:Նրա աղբյուրների խոսքով՝ դա այն հնարավորություններից մեկն Է, որոնք դիտարկում են կողմերը: CNBC հեռուստաալիքը նույնպես նշում Է, որ ԱՄՆ-ի եւ Չինաստանի ղեկավարների գագաթնաժողովը կարող Է կայանալ Ճապոնիայում: Նրա աղբյուրների խոսքով՝ Պեկինը հանդես Է գալիս Թրամփի եւ Սի Ցզինպինի այդ հանդիպումն Ասիայում անցկացնելու օգտին: ԱՄՆ-ի ներկայացուցիչներն ավելի վաղ առաջարկում Էին գագաթնաժողովը կազմակերպել Ֆլորիդայի նահանգում Թրամփի Մար-ա-Լագո քաղաքամերձ կալվածքում:The Wall Street Journal թերթն ապրիլի 17-ին հայտնել Է, որ ԱՄՆ-ը եւ Չինաստանը առեւտրական համաձայնագրի վերջնական տարբերակը կարող են ստորագրել մայիսի վերջին կամ հունիսի սկզբին: Նրա տվյալներով՝ կողմերը դրանից առաջ մտադիր են անցկացնել կոնսուլտացիաների եւս մի քանի փուլ: Առեւտրական բանակցություններում ԱՄՆ-ի ներկայացուցիչ Ռոբերտ Լայթայզերը եւ ԱՄՆ-ի ֆինանսների նախարարության ղեկավար Սթիվեն Մնուչինը պլանավորում են Պեկին այցելել մոտավորապես երկու շաբաթից: Դրանից մեկ շաբաթ անց Վաշինգտոն կժամանի Չինաստանի պատվիրակությունը՝ երկրի Պետխորհրդի փոխվարչապետ Լյու Հեի գլխավորությամբ, հաղորդել Է ՏԱՍՍ գործակալությունը:
Կարծիքներ
Հարցազրույցներ
Փաստ մեկնաբանությամբ