ՀՔԾ պետը մեդալով պարգևատրեց ՀՀ ոստիկանապետին
ԵՐԵՎԱՆ, 16 ԱՊՐԻԼԻ, ԱՐՄԵՆՊՐԵՍ: Հատուկ քննչական ծառայության պետ Սասուն Խաչատրյանը «ՀՀ իրավակարգի ամրապնդման համար» մեդալով պարգևատրեց ՀՀ ոստիկանապետ, ոստիկանության գնդապետ Վալերիյ Օսիպյանին:
«Արմենպրես»-ի փոխանցմամբ` Խաչատրյանն Օսիպյանի պարգևը հանձնեց ապրիլի 16-ին, ՀՀ ոստիկանության օրվա 101-ամյակի կապակցությամբ հրավիրված հանդիսավոր նիստի ընթացքում:
«Ծառայողական պարտականությունները բարեխղճորեն և բարձր պատասխանատվությամբ կատարելու համար, ինչպես նաև Հայաստանի Հանրապետության ոստիկանության օրվա 101-րդ տարեդարձի կապակցությամբ Հայաստանի Հանրապետության ոստիկանության պետ, ոստիկանության գնդապետ Վալերիյ Ռազմիկի Օսիպյանին պարգևատրել Հայաստանի Հանրապետության Հատուկ քննչական ծառայության «ՀՀ իրավակարգի ամրապնդման համար» մեդալով»,- նշված է ՀՔԾ պետի հրամանում:
ՀՔԾ պետի հրամանով պարգևատրման արժանացան նաև ոստիկանության համակարգի մի շարք աշխատակիցներ: