Կուբայի ղեկավարն ընդունել Է Մեծ Բրիտանիայի գահաժառանգ արքայազնին
ԵՐԵՎԱՆ, 26 ՄԱՐՏԻ, ԱՐՄԵՆՊՐԵՍ: Կուբայի Պետխորհրդի եւ Նախարարների խորհրդի նախագահ Միգել Դիաս-Կանելը մարտի 25-ի երեկոյան Հավանայի Հեղափոխության պալատում ընդունել Է Ուելսի արքայազն Չառլզին եւ նրա տիկնոջը՝ Քոռնուոլի դքսուհի Քամիլային, որոնք այցով գտնվում են կղզում, տեղեկացնում Է «Արմենպրես»-ը:
Granma պորտալը հայտնում Է, որ դրանից առաջ արքայազնը տիկնոջ հետ շրջել Է Հավանայում եւ դիտել նրա հիմնական տեսարժան վայրերը, ինչպես նաեւ բացել են Ուիլյամ Շեքսպիրի հուշարձանը: Ավելի վաղ Դիաս-Կանելն արդեն ողջունել Էր Ուելսի արքայազնի եւ դքսուհու ժամանումը: «Մեզ համար պատիվ Է նրանց ընդունելը եւ հպարտությամբ ցույց տալ, թե ինչպիսին Է մեր երկիրը… Այցը ցուցադրում Է մեր հարաբերությունների լավ վիճակը»,- գրել Է Կուբայի ղեկավարը Twitter-ի իր միկրոբլոգում, հաղորդել Է ՌԻԱ Նովոստին: