Արցախի նախկին վարչապետ Արայիկ Հարությունյանը բանակցություններին Արցախի մասնակցությունը պարտադիր է համարում
ԵՐԵՎԱՆ, 22 ՄԱՐՏԻ, ԱՐՄԵՆՊՐԵՍ: Արցախի նախկին վարչապետ Արայիկ Հարությունյանը հակամարտության կարգավորման նպատակով պարտադիր է համարում բանակցություններին Արցախի մասնակցությունը:
«Արմենպրես»-ի հաղորդմամբ՝ Հարությունյանը նման տեսակետ հայտնեց Երևանի պետական համալսարանում ուսանողների հետ կայացած հանդիպումից հետո լրագրողների հետ զրույցում:
Լրագրողի դիտարկմանը, թե Քոչարյանի կամ Սարգսյանի նախագահ եղած ժամանակ Արցախը որպես բանակցային կողմ չէր մասնակցում, բայց այդ հարցը չէր բարձրացվում, Հարությունյանը նշեց՝ դրա համար էլ որևէ հաջողություն չի արձանագրվել: «Սակայն միշտ էլ այդ հարցը բարձրացրել ենք: Արցախի իշխանությունները տասնյակ անգամ բարձրացրել են այն հարցը, որ հարցի լուծումը հնարավոր է միայն Արցախի իշխանությունների՝ բանակցային գործընթացին մասնակցելու միջոցով»,-ասաց Հարությունյանը:
Նա, սակայն, հարցի լուծումը տեսնում է Արցախի, նաև Հայաստանի հայրենակիցների որոշմամբ:
Անդրադառնալով Փաշինյան-Ալիև սպասվող հանդիպմանը՝ Հարությունյանը նշեց, որ 1992-ից մինչ օրս այդպիսի հանդիպումները շարունակվում են:
- ԲՏԱ նախարարության և «Ստարտափ Արմենիա» հիմնադրամի միջև փոխըմբռնման
հուշագիր է ստորագրվել
- ԵԱՏՄ-ից Հայաստանի դուրս գալու նախաձեռնություն չկա․ Արման Եղոյան
- Նշվել է Հայ-ռուսական համալսարանի օրը. այս տարի բուհ են ընդունվել
ռեկորդային թվով ուսանողներ
- Հայաստանն ու Հնդկաստանը փոխշահավետ ծրագրեր կարող են իրականացնել մի շարք
ոլորտներում, Արմեն Սարգսյանն ընդունել է Կիշան Դան Դևալին
- Ադրբեջանի իշխանությունները քաղաքականացնում են գերիների վերադարձը. ՀՀ
ՄԻՊ-ը՝ Կոլումբիայի համալսարանի քննարկմանը