Դեսպան Բաղդասարյանը հանդիպել է հայ-իտալական խորհրդարանական բարեկամական խմբի նախագահի հետ
ԵՐԵՎԱՆ, 15 ՄԱՐՏԻ, ԱՐՄԵՆՊՐԵՍ: Իտալիայում ՀՀ դեսպանությունում մարտի 14-ին դեսպան Վիկտորյա Բաղդասարյանը հանդիպել է Իտալիայի Պատգամավորների պալատի պատգամավոր, հայ-իտալական նորակազմ խորհրդարանական բարեկամական խմբի նախագահ, իշխող «Լեգա» կուսակցության ներկայացուցիչ Մասիմիլիանո Կապիտանիոյի (Massimiliano Capitanio) հետ։
Ինչպես «Արմենպրես»-ին տեղեկացրին ՀՀ արտաքին գործերի նախարարության լրատվության և հանրային դիվանագիտության վարչությունից, ընդգծվել է Հայաստան-Իտալիա միջխորհրդարանական կապերի ակտիվացման անհրաժեշտությունը, և այս համատեքստում կարևորվել բարեկամական խմբի գործունեությունը։
Կարծիքներ
Հարցազրույցներ
Փաստ մեկնաբանությամբ