ՀՀ վարչապետ Նիկոլ Փաշինյանը գրքեր նվիրեց քաղաքացիներին
ԵՐԵՎԱՆ, 19 ՓԵՏՐՎԱՐԻ, ԱՐՄԵՆՊՐԵՍ։ Գիրք նվիրելու օրվա կապակցությամբ ՀՀ վարչապետ Նիկոլ Փաշինյանը տիկնոջ՝ Աննա Հակոբյանի հետ այցելեց «Բուկինիստ» գրախանութ։ «Արմենպրես»-ի փոխանցմամբ՝ Նիկոլ Փաշինյանն ու Աննա Հակոբյանը գնեցին ու ստորագրեցին մի քանի գիրք, ապա դուրս գալով՝ նվիրեցին քաղաքացիներին։
«Փաստորեն մեր ձեռք բերած գրքերը շատ արագ սպառվեցին։ Շնորհավորում եմ գիրք նվիրելու օրվա կապակցությամբ ու հույս ունեմ՝ դուք արդեն այսօր ձեր բաժին գիրքը նվեր ստացել եք ու նվիրել եք»,- ֆեյսբուքյան ուղիղ կապով դիմելով քաղաքացիներին՝ վերջում ասաց ՀՀ վարչապետը։
Կարծիքներ
Հարցազրույցներ
Փաստ մեկնաբանությամբ