Ջամուի եւ Քաշմիրի նահանգում հնդիկ չորս զինծառայող Է զոհվել
ԵՐԵՎԱՆ, 18 ՓԵՏՐՎԱՐԻ, ԱՐՄԵՆՊՐԵՍ: Հնդիկ չորս զինծառայող, այդ թվում՝ մեկ մայոր Է զոհվել Ջամուի եւ Քաշմիրի նահանգում փետրվարի 18-ին զինյալների հետ բախումների ընթացքում: Այդ մասին, ինչպես տեղեկացնում Է «Արմենպրես»-ը, հայտնել Է Hindustan Times թերթը՝ հղում անելով ոստիկանությանը: Ինչպես նշվում Է, Փուլվամա շրջանի գյուղերից մեկում տեղի ունեցած կարճ փոխհրաձգությունից հետո ոստիկանությունն ու զինված ուժերը շրջապատել են տարածքը եւ խուզարկություններ սկսել: Լսվել Է հրաձգություն, տեղի բնակիչներին խնդրել Էին մնալ իրենց տներում:
Փետրվարի 14-ին Ջամուի եւ Քաշմիրի նահանգում մահապարտ ահաբեկիչը պայթանյութով լի ավտոմոբիլ Է պայթեցրել զինվորական շարասյան մոտ, ինչի հետեւանքով, ըստ վերջին տվյալների՝ զոհվել Է 45 մարդ՝ Կենտրոնական ռեզերվի ոստիկանության ուժերի (ռազմականացված ոստիկանական կառույց) զինծառայողներ: Հարձակման համար պատասխանատվությունն ստանձնել Է «Ջաիշ ե Մուհամադ»-ը («Մուհամեդի բանակ»)՝ նահանգում գործող արմատական անջատողական խմբավորումներից մեկը:
Ավելի վաղ Հնդկաստանի իշխանությունները հայտարարել են, որ Ջամուի եւ Քաշմիրի նահանգում կատարված ահաբեկչական գործողությունից հետո Պակիստանին կզրկեն առեւտրական բոլոր այն արտոնություններից, որոնք երկրին տրամադրվել են Առեւտրի համաշխարհային կազմակերպության կանոններին համապատասխան: «Հնդկաստանի արտաքին գործերի նախարարությունը հնարավոր բոլոր դիվանագիտական միջոցները կձեռնարկի Պակիստանի լիակատար մեկուսացումն ապահովելու համար»,- հայտարարել Է Հնդկաստանի ֆինանսների նախարար Արուն Ջեյթլին:
Նա նաեւ հավելել Է, որ Պակիստանի մասնակցությունն ահաբեկչական գործողությանն անվիճելի Է, եւ Հնդկաստանն ունի համապատասխան ապացույցներ: Մինչդեռ Պակիստանի արտաքին գործերի նախարարությունը փետրվարի 15-ին մերժել Է ահաբեկչական գործողությանը երկրի կառավարության մասնակցությանը վերաբերող պնդումները, հաղորդել Է ՌԻԱ Նովոստին: