ՀՀ անվտանգության խորհրդի քարտուղարն ընդունել է Հարավային Կովկասում ՆԱՏՕ-ի տեղեկատվական գրասենյակի ղեկավարին
ԵՐԵՎԱՆ, 14 ՓԵՏՐՎԱՐԻ, ԱՐՄԵՆՊՐԵՍ: ՀՀ անվտանգության խորհրդի քարտուղար Արմեն Գրիգորյանը փետրվարի 14-ին ընդունել է Հարավային Կովկասում ՆԱՏՕ-ի տեղեկատվական գրասենյակի ղեկավար Ռոզարիա Պուլյիզին։
Ինչպես «Արմենպրես»-ին տեղեկացրին ՀՀ անվտանգության խորհրդից, կողմերը մտքեր են փոխանակել ՀՀ ազգային անվտանգության ռազմավարության մշակման, անցումային արդարադատության, հակակոռուպցիոն պայքարի ինստիտուցիոնալ մեխանիզմների ներդրմանը վերաբերող հարցերի շուրջ:
Երկուստեք ընդգծվել է ՆԱՏՕ-ի բարևարքության ամրապնդման ծրագրի հետագա կիրարկման կարևորությունը:
Կարծիքներ
Հարցազրույցներ
Փաստ մեկնաբանությամբ