Դուտերտեն Ֆիլիպիններն անվանափոխելու ցանկություն Է հայտնել. Manila Bulletin
ԵՐԵՎԱՆ, 12 ՓԵՏՐՎԱՐԻ, ԱՐՄԵՆՊՐԵՍ: Ֆիլիպինների նախագահ Ռոդրիգո Դուտերտեն մտադրություն Է հայտնել փոխել երկրի անվանումը, որպեսզի թուլացնի դրա կապը գաղութային ժառանգության հետ: Ինչպես փետրվարի 12-ին հայտնել Է Manila Bulletin թերթը, Ֆիլիպինների նոր անվանումը կարող Է դառնալ «Մահառլիկա Հանրապետությունը»:
Նախօրյակին Դուտերտեն, ճառով հանդես գալով Մագինդանաոյի նահանգում, քննադատության Է ենթարկել Իսպանիայի ազդեցությունը իր հայրենիքի մշակույթի վրա:
«Մեր երկրի անվանումը հղացել Է Մագելանը, որի ճանապարհորդությունը ֆինանսավորել Է Իսպանիայի Ֆիլիպ թագավորը: Ահա թե ինչու այդ տխմարն այն անվանեց Ֆիլիպիններ: Բայց երբեւիցե մենք դա կուղղենք»,-հույս Է հայտնել նախագահը:
Դուտերտեն նաեւ պաշտպանել Է Ֆիլիպինների դիկտատոր Մարկոսի գաղափարը, որն անցյալ հարյուրամյակում իր կառավարման ընթացքում առաջարկում Էր երկիրը վերանվանել «Մահառլիկա Հանրապետություն»: «Մարկոսն իրավացի Էր, որովհետեւ «մահառլիկան» մալայերեն (մեզ հարազատ) բառ Է»,-բացատրել Է Ֆիլիպինների ղեկավարը: Ֆիլիպինների արդի լեզվում «մահառլիկա» տերմինը նշանակում Է «արքայական վերնախավ»: 20-րդ դարում այն Մարկոսի ռեժիմի կողմից ակտիվորեն օգտագործվում Էր Ֆիլիպինների ավանդական մշակույթը նշելու համար, հաղորդել Է ՏԱՍՍ-ը: