ԵՐԵՎԱՆ, 11 ՓԵՏՐՎԱՐԻ, ԱՐՄԵՆՊՐԵՍ: NASA-ն հրապարակել Է Մարսի համայնապատկերի տեսագրությունը, որը նկարահանել Է ամերիկյան Curiosity մարսագնացը: Այդ մասին, ինչպես տեղեկացնում Է «Արմենպրես»-ը, հայտնել Է տիեզերական գործակալության պաշտոնական կայքը:

Նշվում Է, որ մարսագնացն իջել Է Վերա Ռուբինի կատարից, որը գտնվում Է Էլոիդ լեռան վրա՝ Մարսի Գեյլի խառնարանի կենտրոնական բարձրակետին՝ ավելի քան մեկ տարվա հետազոտություններից հետո: Հեռանալուց առաջ մարսագնացը նկարահանել Է Rock Hall գագաթնակետին դրա վերջին հորատման շրջանի 360-աստիճանանոց համայնապատկերը:

Տիեզերական գործակալությունը տեսանյութը մոնտաժել Է այն համայնապատկերի հիման վրա, որը մարսագնացը նկարահանել Է դեկտեմբերի 19-ին:

Curiosity-ն 2012 թվականին վայրԷջք Է կատարել Մարսի Գեյլի խառնարանի շրջանում, որտեղ լավ են երեւում մարսյան գրունտի խորքային շերտերը, որոնք բացահայտում են մոլորակի երկրաբանական պատմությունը, հաղորդել Է ՌԻԱ Նովոստին: