ԵՐԵՎԱՆ, 22 ՀՈՒՆՎԱՐԻ, ԱՐՄԵՆՊՐԵՍ: «Արմենպրես» պետական լրատվական գործակալությունը ներկայացնում է այսօր սպասվող իրադարձությունները:

Այսօր՝ հունվարի 22-ին, Շվեյցարիայում կմեկնարկի Դավոսի համաշխարհային տնտեսական համաժողովը, որին կմասնակցի ՀՀ վարչապետ Նիկոլ Փաշինյանը: Ֆորումի շրջանակում նախատեսվում են ՀՀ վարչապետի մի շարք երկկողմ և բազմակողմ հանդիպումներ այլ պետությունների ղեկավարների, միջազգային կազմակերպությունների, բիզնես ընկերությունների ներկայացուցիչների հետ:

ԵԽԽՎ ձմեռային նստաշրջանը կշարունակի աշխատանքը: Նստաշրջանի օրակարգում էր նաև Հայաստանում 2018թ. դեկտեմբերի 9-ին կայացած արտահերթ խորհրդարանական ընտրությունների դիտարկման հարցը, որը քննարկվել է հունվարի

21-ին:Բլոգեր Ալեքսանդր Լապշինը կհանդիպի լրագրողների հետ: Հրավիրված մամուլի ասուլիսում նա մանրամասներ կներկայացնի Հայաստան կատարած իր այցի և առաջիկա անելիքների մասին: Մնացականյան-Մամեդյարով հանդիպման, Մինսկի խմբի վերջին հայտարարության վերաբերյալ իրենց դիտարկումները կներկայացնեն քաղաքական գործիչներ Գուրգեն Եղիազարյանը և Ազատ Արշակյանը:Հուշարձանագետ Սամվել Կարապետյանը և քանդակագործ Լևոն Թոքմաջյանն էլ կանդրառնան կառավարման համակարգում սպասվող փոփոխություններին, նախարարությունների փակմանը կամ այլ գերատեսչությունների հետ միավորմանը: «Հայփոստ» ՓԲԸ-ի կողմից կմարվի և շրջանառության մեջ կդրվի մեկ նամականիշ՝ նվիրված «Մեծանուն հայեր. Սիլվա Կապուտիկյանի ծննդյան 100-ամյակը» թեմային:Այս և այլ թեմաների մասին կարող եք մանրամասն ընթերցել armenpress.am կայք էջում: Հետևեք մեզ նաև թվիթերում և ֆեյսբուքում: