ԵՐԵՎԱՆ, 21 ՀՈՒՆՎԱՐԻ, ԱՐՄԵՆՊՐԵՍ: Աֆղանստանում առնվազն 18 մարդ Է զոհվել, եւս 27 հոգի՝ վիրավորվել երկրի հարավ-արեւմուտքի Մայդանշահր քաղաքում իրականացված պայթյունի հետեւանքով: Այդ մասին, ինչպես տեղեկացնում Է «Արմենպրես»-ը, հայտնել Է «Սինհուա» գործակալությունը՝ վկայակոչելով տեղական մի աղբյուր:

Նրա խոսքով՝ թալիբների ականապատված ավտոմեքենան պայթել Է Աֆղանստանի հատուկ ծառայությունների բազայի մերձակայքում: Tolo News հեռուստաալիքը՝ հղում անելով տեղական իշխանություններին, հայտնել Է, որ հարձակվողներից երեքը ոչնչացված են, չորրորդը գործի Էր դրել ավտոմեքենայում տեղադրված պայթուցիկ սարքը: Ավելի վաղ նույն հեռուստաալիքը հայտնել Էր, որ թալիբները հարձակվել են Վարդակ կենտրոնական նահանգում աֆղանական հատուկ ծառայությունների բազայի վրա, պայթյունը տեղի Է ունեցել Մայդանշահր քաղաքում, հաղորդել Է ՌԻԱ Նովոստին: