Շախմատի Հայաստանի առաջնության վիճակահանությամբ հայտնի են մեկնարկային տուրի մրցակիցները
ԵՐԵՎԱՆ, 11 ՀՈՒՆՎԱՐԻ, ԱՐՄԵՆՊՐԵՍ: Տիգրան Պետրոսյանի անվան շախմատի տանը կայացավ տղամարդկանց ազգային 79-րդ և կանանց 74-րդ առաջնության վիճակահանությունը:
«Արմենպրես»-ի հաղորդմամբ` տղամարդկանց առաջնության անդրանիկ տուրում միմյանց դեմ կմրցեն Արման Փաշիկյան-Հայկ Մարտիրոսյան, Զավեն Անդրիասյան-Տիգրան Հարությունյան, Շանթ Սարգսյան-Տիգրան Պետրոսյան, Ռոբերտ Հովհաննիսյան-Սամվել Տեր Սահակյան և Մանուէլ Պետրոսյան-Արամ Հակոբյան զույգերը:
Կանանց մրցաշարի մեկնարկում ձևավորվեցին հետևյալ զույգերը` Անահիտ Մկրտչյան-Մարիամ Մկրտչյան, Աստղիկ Հակոբյան-Մարիա Գևորգյան, Սուսաննա Գաբոյան-Մարիա Կուրսովա, Արփինե Գրիգորյան-Աննա Խաչատրյան, Սիրանուշ Ղուկասյան-Մարիամ Ավետիսյան:
Անդրանիկ տուրը կկայանա հունվարի 12-ին և կմեկնարկի 15:00-ին:
Վարվառա Հայրապետյան