Շանահանը կարող Է երկար ժամանակ մնալ ԱՄՆ-ի պաշտպանության նախարարի պաշտոնակատար. Թրամփ
ԵՐԵՎԱՆ, 27 ԴԵԿՏԵՄԲԵՐԻ, ԱՐՄԵՆՊՐԵՍ: ԱՄՆ-ի նախագահ Դոնալդ Թրամփը դեկտեմբերի 26-ին Իրաք կատարած այցի ընթացքում հայտարարել Է, թե չի պատրաստվում շտապել Միացյալ Նահանգների նոր պաշտպանության նախարարի պաշտոնի թեկնածություն առաջադրելու հարցում: Նրա խոսքով՝ Փատրիկ Շանահանը, որը 2019 թվականի հունվարի 1-ից կդառնա Պենտագոնի ղեկավարի պաշտոնակատար, կարող Է այդ դերում մնալ «երկար ժամանակ»: Այս մասին, ինչպես տեղեկացնում Է «Արմենպրես»-ը, հայտնել Է Reuters գործակալությունը:
Դեկտեմբերի 23-ին Թրամփը հայտարարել Էր, որ ԱՄՆ-ի պաշտպանության առաջին փոխնախարար Շանահանը պաշտպանության նախարարի պարտականությունները կկատարի այդ պաշտոնից Ջեյմս Մեթիսի հեռանալուց հետո, հաղորդել Է ՏԱՍՍ: