Թրամփը կարգադրություն է տվել Սիրիայից ամերիկյան զորքերն ամբողջությամբ դուրս բերելու մասին. Bloomberg
ԵՐԵՎԱՆ, 19 ԴԵԿՏԵՄԲԵՐԻ, ԱՐՄԵՆՊՐԵՍ: Միացյալ Նահանգների նախագահ Դոնալդ Թրամփը կարգադրություն է տվել Սիրիայից ամերիկյան զորքերն ամբողջությամբ դուրս բերելու մասին: Ինչպես հաղորդում է «Արմենպրես»-ը, այս մասին հայտնում է Bloomberg գործակալությունը՝ հղում անելով պաշտոնական իր աղբյուրի վրա:
Ավելի վաղ ԱՄՆ նախագահ Թրամփը հայտարարել էր, որ ԱՄՆ-ն պետք է հնարավորինս արագ դուրս բերի զորքերը Սիրիայից: Ապրիլին նա ասել էր, թե Վաշինգտոնը գործնականում ավարտել է պայքարն «Իսլամական պետություն» ահաբեկչական խմբավորման դեմ, ուստի ամերիկյան կողմը պետք է որոշում կայացնի Սիրիայի տարածքից հեռանալու մասին:
Կարծիքներ
Հարցազրույցներ
Փաստ մեկնաբանությամբ