Իսրայելի բանակն ահաբեկչական գրոհից հետո շրջափակել Է Ռամալլահը
ԵՐԵՎԱՆ, 13 ԴԵԿՏԵՄԲԵՐԻ, ԱՐՄԵՆՊՐԵՍ: Իսրայելի պաշտպանության բանակը դեկտեմբերի 13-ին Հորդանան գետի Արեւմտյան ափին հսկողության տակ Է վերցրել Ռամալլահ քաղաքի մուտքերն ու ելքերը այն բանից հետո, երբ այնտեղ թաքնվել Է իսրայելացիների վրա հարձակմանը մասնակցած ավտոմեքենան, ինչի հետեւանքով զոհվել Է երկու եւ վիրվավորվել երկու մարդ: Այդ մասին, ինչպես տեղեկացնում Է «Արմենպրես»-ը, օտարերկրյա լրագրողների համար անցկացված բրիֆինգում հայտնել Է Իսրայելի զինուժերի պաշտոնական ներկայացուցիչ Ջոնաթան Կոնրիկուսը:
«Ներկայում մենք վերահսկում ենք Ռամալլահի մուտքերն ու ելքերը»,- ասել Է նա: «Խոսքը Իսրայելի քաղաքացիական անձանց ու զինվորականների դեմ կատարված ահաբեկչական գրոհի մասին Է»,- հավելել Է նա: Զինծառայողները իսրայելացիների վրա կրակ բացած պաղեստինցու որոնման գործողություններ են սկել, հաղորդել Է ՏԱՍՍ-ը: