ԵՐԵՎԱՆ, 5 ԴԵԿՏԵՄԲԵՐԻ, ԱՐՄԵՆՊՐԵՍ: Վրաստանի նախագահ ընտրված Սալոմե Զուրաբիշվիլին հավաստել Է, որ իր պաշտոնակալման արարողությունը կկայանա Թելավի քաղաքում, որը գտնվում Է Կախեթի տարածաշրջանում, տեղեկացնում Է «Արմենպրես»-ը:

«Վրացական երազանք-ժողովրդավարական Վրաստան» իշխող կուսակցության աջակցությունը վայելող Զուրաբիշվիլին շահել Է նախագահական ընտրությունների՝ նոյեմբերի 28-ին կայացած երկրորդ փուլը:

«Ինչպես դուք արդեն գիտեք ուրիշներից, երդմնատվությունը կկայանա Թելավիում: Ես ցանկանում Էի անձամբ ձեզ ասել այդ մասին: Մենք կհրավիրենք բոլոր նրանց, ովքեր մեզ հետ ունեն դիվանագիտական հարաբերություններ, իսկ հետո նրաք իրենք կորոշեն՝ ով կկարողանա գալ»,- Զուրաբիշվիլիի խոսքը մեջբերել Է Imedi հեռուստաընկերությունը: Վրաստանի նորընտիր նախագահի պաշտոնակալման արարողությունը պետք Է տեղի ունենա դեկտեմբերի 16-ին: