ԵՐԵՎԱՆ, 22 ՆՈՅԵՄԲԵՐԻ, ԱՐՄԵՆՊՐԵՍ: Ամերիկյան ռազմակայանները, որոնք տեղակայված են Աֆղանստանի, Արաբական Միացյալ Էմիրությունների եւ Քատարի տարածքում, ինչպես նաեւ Պարսից ծոցում գտնվող ԱՄՆ-ի ավիակիրներն իրանական հրթիռների հասանելիության գոտում են:

Այդ մասին, ինչպես հայտնել Է Reuters գործակալությունը, հայտարարել Է «Իսլամական հեղափոխության պահապանների» կորպուսի (ԻՀՊԿ, Իրանի զինված ուժերի Էլիտային ստորաբաժանումներ) օդատիեզերական ուժերի հրամանատար, բրիգադի գեներալ Ամիր Ալի Հաջազադեն, տեղեկացնում Է «Արմենպրես»-ը:

«Դրանք գտնվում են մեր հասանելիության սահմաններում, եւ մենք կարող են հարված հասցնել դրանց, եթե նրանք (ամերիկացիները) գործողություններ ձեռնարկեն»,-ասել Է նա, հավելելով, որ ամերիկյան ավիակիրներն Իրանի թիրախներն են: Հոկտեմբեր ամսին Հաջազադեն հայտարարել Էր, որ Իրանը մեծացրել Է իր հականավային հրթիռների հեռահարությունը եւ այժմ կարող Է հակառակորդի թիրախները խոցել 700 կիլոմետր տարածության վրա, հաղորդել Է ՏԱՍՍ-ը: