«Իմ քայլը» դաշինքն ընտրություններին կմասնակցի «Երջանիկ անհատ, հոգատար հանրություն և հզոր պետություն» կարգախոսով
ԵՐԵՎԱՆ, 21 ՆՈՅԵՄԲԵՐԻ, ԱՐՄԵՆՊՐԵՍ: Առաջիկա խորհրդարանական ընտրություններին «Իմ քայլը» դաշինքի կարգախոսն է «Երջանիկ անհատ, հոգատար հանրություն և հզոր պետություն»:
«Արմենպրես»-ի հաղորդմամբ` այս մասին ԱԺ-ում լրագրողների հետ զրույցում ասաց «Ելք» խմբակցության ղեկավար Լենա Նազարյանը:
«Այս կարգախոսը բոլորովին նոր չէ: Այն տարիներ շարունակ եղել է «Քաղաքացիական պայմանագիր» կուսակցության ծրագրում: Եվ ես ուրախ եմ, որ հնարավորություն կա այդ կարգախոսը ներկայացնել»,-ասաց Նազարյանը:
Նա նշեց, որ «Նիկոլ, վարչապետ» կարգախոսը քննարկվել է որպես տարբերակ, սակայն իրենք ներկայացրել են այն կարգախոսը, որը պաշտոնապես հաստատվել է:
Կարծիքներ
Հարցազրույցներ
Փաստ մեկնաբանությամբ