Զիմբաբվեում առնվազն 40 մարդ Է զոհվել ավտոբուսում տեղի ունեցած պայթյունի հետեւանքով
ԵՐԵՎԱՆ, 16 ՆՈՅԵՄԲԵՐԻ, ԱՐՄԵՆՊՐԵՍ: Զիմբաբվեում առնվազն 40 մարդ Է զոհվել ավտոբուսում տեղի ունեցած պայթյունի եւ բռնկած հրդեհի հետեւանքով: Այդ մասին, ինչպես տեղեկացնում Է «Արմենպրես»-ը, հայտնել Է New Zimbabwe պորտալը:
Հրատարակության տվյալներով՝ միջադեպը տեղի Է ունեցել նոյեմբերի 16-ի առավոտյան երկրի հարավում: «Շուրջ 40 մարդ Է զոհվել, ոմանք վերքեր են ստացել… Կասկածներ կան, որ ուղեւորներից մեկն իր հետ վառելիք Էր տանում, տեղի Է ունեցել պայթյուն, եւ ավտոբուսը բռնկվել Է»,-ասված Է պորտալի հաղորդագրության մեջ: Ինչպես նշվում Է, ոստիկանությունը հաստատել Է տեղի ունեցածը, հաղորդել Է ՌԻԱ Նովոստին:
Կարծիքներ
Հարցազրույցներ
Փաստ մեկնաբանությամբ