Ավստրալիայում որպես ահաբեկչություն են դիտարկում Մելբուռնում կատարված հարձակումը
ԵՐԵՎԱՆ, 9 ՆՈՅԵՄԲԵՐԻ, ԱՐՄԵՆՊՐԵՍ: Ավստրալիայի ոստիկանությունը որպես ահաբեկչություն Է դիտարկում Մելբուռնում հարձակման հետ կապված միջադեպը: Այդ մասին, ինչպես տեղեկացնում Է «Արմենպրես»-ը, մամուլի ասուլիսի ընթացքում հայտնել Է Վիկտորիայի նահանգի ոստիկանական վարչության ներկայացուցիչը:
Ավելի վաղ հաղորդվել Է, որ դանակով զինված տղամարդը Մելբուռնում հարձակվել Է ոստիկանների վրա: ԶԼՄ-ների տվյալներով՝ բախումը տեղի Է ունեցել այն բանից հետո, երբ մի ավտոմեքենա Է բռնկվել Սուոնսթոն-սթրիթ փողոցում: Տեսադիտարկման խցիկների կադրերում երեւում Է՝ ինչպես Է տղամարդը, զենքը թափահարելով, նետվում ոստիկանության սպայի վրա: Միջադեպի հետեւանքով մի մարդ Է զոհվել, եւս երկուսը տուժել են: Հարձակվողին բռնել են, ոստիկաններից մեկը կրակել Էր նրա կրծքին:
Ավելի ուշ հայտնի Է դարձել, որ նա ստացած վերքերից մահացել Է հիվանդանոցում: «Ներկայում մենք միջադեպը դիտարկում ենք որպես ահաբեկչություն»,- հայտարարել Է ոստիկանության ներկայացուցիչը, որի ելույթը հեռարձակվել Է Facebook-ում գերատեսչության կայքում, հաղորդել Է ՌԻԱ Նովոստին: