ՊՆ-ում տեղի է ունեցել 2018 թ. ամառային զորակոչի արդյունքների միջանկյալ ամփոփմանը նվիրված խորհրդակցություն
ԵՐԵՎԱՆ, 19 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի Հանրապետության պաշտպանության նախարարությունում տեղի է ունեցել 2018 թ. ամառային զորակոչի արդյունքների միջանկյալ ամփոփմանը նվիրված խորհրդակցություն։
Ինչպես հաղորդում է «Արմենպրես»-ը, այս մասին «Ֆեյսբուք»-ի իր էջում գրառում է կատարել ՀՀ պաշտպանության նախարարության մամուլի խոսնակ Արծրուն Հովհաննիսյանը: «Խորհրդակցության ընթացքում զեկույցով հանդես եկան ՀՀ ԶՈւ երի գլխավոր զինկոմ, գեներալ-մայոր Հենրիկ Մուրադյանը և ՀՀ ԶՈւ երի ռազմաբժշկական վարչության պետ, փ-գտ Գայանե Հովհաննիսյանը։ Քննարկվեցին տարբեր հարցեր, այդ թվում պահեստազորում հաշվառված բժիշկ-մասնագետների հավաքների կազմակերպման հարցը։ Որոշվեց մշակել հատուկ ծրագիր, որի համաձայն բժիշկների համար կկազմակերպվեն զինվորական հավաքներ»,- գրել է Հովհաննիսյանը։