«Արագած»-ը կրկին հաղթել է բասկետբոլի Հայաստանի առաջնությունում
ԵՐԵՎԱՆ, 13 ՀՈԿՏԵՄԲԵՐԻ, ԱՐՄԵՆՊՐԵՍ: Բասկետբոլի Հայաստանի առաջնության նորեկ «Արագած»-ը երկրորդ հաղթանակը տոնեց:
«Արմենպրես»-ի հաղորդմամբ` Ա լիգայի 2018/19 թթ. մրցաշրջանի երկրորդ տուրում, «Արագածը» սեփական հարկի տակ 98-79 հաշվով վստահ առավելության հասավ ՖԻՄԱ-ի նկատմամբ: Հանդիպման ամենաարդյունավետ խաղացող ճանաչվեց Դեշան Փարսոնսը (Արագած), ով վաստակեց 40 միավոր, 10 անգամ տիրեց օղակից անրադարձող գնդակին, և կատարեց 4 արդյունավետ փոխանցում:
Ավելի վաղ, մրցաշրջանի երկրորդ տուրի առաջին խաղում, «Արցախը» հավասար և համառ պայքարում 91-83 առավելության հասավ «Էրեբունի Սեդարսի» նկատմամբ:
Կարծիքներ
Հարցազրույցներ
Փաստ մեկնաբանությամբ