Մանե Ադամյանը վստահ է` Ֆրանկոֆոնիայի տնտեսական ֆորումը կարևոր դեր է ունենալու Հայաստանում ինովացիայի զարգացման համար
ԵՐԵՎԱՆ, 9 ՀՈԿՏԵՄԲԵՐԻ, ԱՐՄԵՆՊՐԵՍ: Ֆրանկոֆոնիայի 17-րդ գագաթնաժողովի շրջանակներում անցկացվող տնտեսական ֆորումի արդյունքում Հայաստանը շատ կարևոր ձեռքբերումներ է ունենալու: «Արմենպրես»-ի հաղորդմամբ՝ տնտեսական զարգացման և ներդրումների փոխնախարար Մանե Ադամյանը վստահություն հայտնեց, որ այն գործընթացները, որոնք կմեկնարկեն ֆորումի շրջանակներում, կարևոր դեր են ունենալու Հայաստանում ինովացիայի զարգացման համար:
«Ֆորումի շրջանակներում ակնկալում ենք 400 հյուր ունենալ՝ մոտ 60 պետությունից: Տնտեսական ֆորումի նպատակն ընդհանուր ֆրանկոֆոն տարածքում համագործակցության ամրապնդումն է, և կածում եմ, որ վաղվա ֆորումի շրջանակներում մենք միանշանակ կարողանալու ենք անել դա, քանի որ կա լուրջ ներկայացվածություն թե մասնակից պետությունների քանակի, թե գործարարների տեսանկյունից»,-ասաց նա:
Մանե Ադամյանի խոսքով՝ տնտեսական ֆորումի ընթացքում կարևոր հայտարարություններ են հնչելու:
Ֆրանկոֆոնիայի 17-րդ գագաթաժողովի շրջանակներում առաջին անգամ հոկտեմբերի 10-ին «Թումո» ստեղծարար տեխնոլոգիաների կենտրոնում կազմակերպվելու է տնտեսական ֆորում` ՀՀ նախագահ Արմեն Սարգսյանի բարձր հովանու ներքո: 2014թ.-ին Դաքարում անցկացված Ֆրանկոֆոնիայի 15-րդ գագաթաժողովի ընթացքում մասնակիցները պատրաստակամություն են հայտնել առավել խորացնել Ֆրանկոֆոնիայի տնտեսական ուղղությունը՝ ընդունելով Ֆրանկոֆոնիայի առաջին տնտեսական ռազմավարությունը:
- Նիկոլ Փաշինյանը Երևանի ավագանու ընտրությունները համարում է արդար և
մրցակցային ընտրություններ անցկացնելու համար կարևոր քննություն
- Ընտրությունները տեղի են ունեցել ազատ ու արդար պայմաններում. ՀՅԴ
- «Երևանի հանրություն» դաշինքը կայացած է համարում Երևանի ավագանու
ընտրությունը
- Հայկ Մարությանը պատրաստ է ամեն վայրկյան ծառայելու հանուն Երևանի
բարեկեցության
- Ընտրությունների արդյունքները խոսում են Նիկոլ Փաշինյանի ու նրա կողմնակիցների
բարձր լեգիտիմության մասին. քաղաքագետ
- Հարություն վարդապետ Պզտիկյանը Մխիթարյան միաբանության հետ ֆրանսիացի
հայագետների կապի մասին դասախոսություն կարդաց Երևանում
- Սեւանը եւ Գրենոբլը համագործակցությունը կշարունակեն ավելի հավակնոտ ծրագրերով
- Հայաստանի երկու երգչախմբեր Ֆրանկոֆոնիայի օրերի շրջանակում հանդես եկան հայկական և ֆրանսիական խմբերգերի կատարմամբ
- «Ղարաբաղյան շեշտադրումները» Ֆրանկոֆոնիայի երևանյան գագաթնաժողովին
- Որո՞նք են Ֆրանկոֆոնիայի գագաթնաժողովի հիմնական արդյունքները