Ֆրանսիան ողջունում է Իդլիբի հարցով ՌԴ-ի և Թուրքիայի միջև ձեռք բերված համաձայնությունը
ԵՐԵՎԱՆ, 24 ՍԵՊՏԵՄԲԵՐԻ, ԱՐՄԵՆՊՐԵՍ: Ֆրանսիան ողջունում է Իդլիբի հետ կապված Ռուսաստանի և Թուրքիայի միջև ձեռք բերված համաձայնությունը: «Արմենպրես»-ի հաղորդմամբ, «ՌԻԱ Նովոստի»-ին տեղեկացնում է, որ Ֆրանսիայի արտաքին գործերի նախարար Ժան-Իվ Լե Դրիանի խոսքով, ցանկալի կլիներ, որ այս համաձայնագիրն ստանա նաև ՄԱԿ-ի աջակցությունը:
«Սա հնարավորություն է, որը պետք չէ բաց թողնել»,- ասել է Լե Դրիանը ՄԱԿ-ում հրավիրված մամուլի ասուլիսի ժամանակ: Նա նաև նշել է, որ կցանկանար Սիրիայի հարցը քննարկել ՄԱԿ-ի հարթակում, ինչպես նաև Նյու Յորքում Ռուսաստանի ԱԳ նախարար Սերգեյ Լավրովի հետ:
Ռուսաստանի և Թուրքիայի նախագահները Վլադիմիր Պուտինն ու Ռեջեփ Թայիփ Էրդողանը ավելի վաղ Սոչիում համաձայնվել են մինչև հոկտեմբերի 15-ը Սիրիայի Իդլիբի հատվածում՝ զինված ընդդիմության եւ կառավարական զորքերի շփման գծում, ստեղծել ապառազմականացված գոտի: Երկու երկրների պաշտպանության նախարարները ստորագրել են հուշագիր Իդլիբի շրջանում իրավիճակի կայունացման վերաբերյալ: